برج الجدي 2020

بــــ_الجدي_ـــرج_2020 مــع الفلكي_ثابت_الحسن
عام النجاح و التقدم
- عام فيه الكثير من الحظوظ و النجاحات و التقدم , تعيد النظر بكل المشاريع و العقود و الأعمال يلي انت مرتبط فيها و تبحث عن الثغرات و تريد أن تسدها و تقوي الجانب الإيجابي منها , بتتصرف بطريقة فيها كم كبير من الحكمة و الذكاء و بتقيم أي مشروع بينطرح عليك من كل الجوانب حتى تكون إنت الكسبان .
- عاطفيا : أمورك العاطفية جيدة , في حب متبادل مع الشريك و تبدي له مدى حبك و اهتمامك من خلال رعايتك له مو بس بالحكي .

الشهر الثاني و الثالث
فترة جيدة على الصعيد المالي و العملي بتقوم بما يلزم حتى تحقق النجاح و التقدم , عم تبذل جهد ملحوظ حتى تغطي نفقاتك و بتحاول توفير مبلغ مالي لتستخدمه في البدء بمشروع خاص فيك , خلال شهر شباط تجنب التصادم مع رؤساءك بالعمل أو أشخاص أصحاب نفوذ حتى ما تعرض حالك للمشاكل و خصوصا في النصف الأول من شهر شباط , خلال شهر آذار بتتعامل مع الأمور بدبلوماسية أكتر و بتشعر بالقوة و الرغبة بتحقيق تقدم عملي ملحوظ .
عاطفيا : احذر خلال شهر شباط من ردات الفعل الغير مدروسة أو أي انفعال زايد مع الشريك .عندك استقرار عاطفي و بتكون أمورك على ما يرام خلال شهر آذار .
الشهر الرابع و الخامس
خلال هذه الفترة عندك تقدم بالعمل و بتحصل على مكاسب جديدة و خصوصا إنك عم تبذل مجهود كبير و ما بتكل و ما بتمل حتى تحصل على المكانة يلي بدك ياها , بتحصل على ترقية بالعمل و بتنال مكاسب مالية جيدة , عندك حركة تجارية رابحة و ممكن تشتري شيء ثمين مثل عقار أو سيارة , انتبه هي الفترة على علاقتك مع الزملاء و الأصدقاء و تجنب التصادم المباشر مع حدا عزيز عليك حتى ما تخسره .
عاطفيا : علاقتك مع الشريك فيها شيء من الحساسية و ممكن الغيرة حاول تستوعب الشريك و توضح له أي شيء ممكن بيجهله أو تصرف بلاقيه غير واضح منك .
الشهر السادس و السابع
فترة غير مستقرة بتكتر فيها الضغوط و عندك كتير التزامات و استحقاقات مالية , انتبه على مكتسباتك و أشياءك الثمينة بتضطر للبحث عن مورد مالي جديد عوضا عن مشروع بدأت فيه و ممكن ما لاقى النجاح يلي بدك ياه أو كانت موارده المالية عليك ضعيفة , ممكن تضطر للتخلي عن أحد مقتنياتك لتحصل على مبلغ مالي إنت بحاجته و خصوصا في بداية شهر تموز .
عاطفيا : إنت من الأشخاص يلي بتعطي العمل جل وقتك و عدم استقرار وضعك العملي بينعكس عليك و على علاقتك مع الشريك حاول تمرق هي الفترة بسلام .
الشهر الثامن و التاسع
فترة ذهبية بتحقق فيها تقدم و نجاح باهر عندك طاقة كتير كبيرة إذا عرفت تستغلها بالشكل الأمثل رح تحقق كتير مكتسبات و نقاط إيجابية رح تكون فوائدها مليحة عليك على المدى الطويل مع بداية شهر آيلول بتهتم بحضور ندوات و محاضرات و تشتغل على تنمية مخزونك الثقافي , عندك ثبات على الطريق الصحيح و بتتعامل مع الأمور بكل حنكة و ذكاء .
عاطفيا : بتحاول إنت ترجع تبني علاقة صحيحة مع الشريك و تصلح بعض لأخطاء يلي وقعت فيها سابقا , بتلاقي تجاوب من الشريك و بتقدر تكسب محبته من جديد .
الشهر العاشر و الحادي عشر
هي الفترة بتحاول تحافظ على علاقة متوازنة مع جميع الأشخاص المحيطين فيك و تتجنب الدخول بمهاترات و نقاشات عقيمة , ممكن تتعرض للإنتقاد و عدم الرضى عن تصرفك مع مجريات الأحداث من قبل صديق قريب منك و بتتطور الأمور لزعل بينك و بينه , انتبه بالفترة بين نهاية شهر تشرين أول و بداية شهر تشرين ثاني من أشخاص بحاولو النيل من سمعتك .
مع النصف الثاني من شهر تشرين ثاني بترجع بتتوضح الحقائق و بتنصلح الأمور مع المحيطين فيك و بتطلع منتصر في نهاية المطاف .
عاطفيا : الأجواء الضاغطة حولك بتخليك تنطوي و تهتم أكتر بالشريك و بتشكيلو همك و بتسمع لنصائحه .
نهاية العام
فترة جيدة بيرجع بحالفك الحظ و بتساعدك الظروف حتى ترجع توقف على جرياتك , بتكسب المزيد من الأرباح و بتحقق مكانة جيدة بالعمل و الوظيفة و خصوصا مع بداية شهر كانون أول , في نهاية الشهر بتملك طاقة كبيرة و بتهتم بأمورك الخاصة أكتر و بتحاول تستغل الظروف المحيطة فيك لمصلحتك .
عاطفيا : من المناسب انك تتعامل مع الشريك بالطريقة يلي بتحب انه يعاملك فيها , حاول تنهي عامك بالوفق مع الشريك و تبتعد عن العناد و المكابرة .
والله اعلم