برج الجوزاء 2020

بـــ_الجوزاء_ـــرج_2020 مع الفلكي_ثابت_الحسن
المكاسب المادية

مع بداية العام ستكون أكثر اتزانا و بتتصرف بطريقة عقلانية أكتر من أي وقت مضى بتهتم بأمور إلها علاقة بالقانون و أمور قضائية أو محاكم و بتحصل على نتيجة مرضية كما تتجه للإهتمام بعالم الجمال و الموضى و الأناقة و بتعمل على تنمية موهبة فنية عندك . حظوظك المالية هادا العام ممتازة ممكن تحصل ببداية العام على مبلغ مالي من دين أو ميراث أو حركة بيع و شراء سريعة بدون جهد يذكر كما أن الفرصة مهيأة حتى تحصل على ترقية بعملك .
الشهر الثاني و الثالث
في هذه الفترة من العام المطلوب منك إنك تنتبه و تزيد تركيزك و خصوصا أثناء التوقيع على عقد أو الدخول بمشروع جديد و انتبه على ممتلكاتك الثمينة مثل العقارات أو قطع ذهبية حتى ما تفقدها أو تتعرض للإحتيال أو السرقة , فيك تأجل البدء بمشاريع مهمة لمرحلة أفضل . كما أنه من الأفضل انك تنتبه على مكانتك الوظيفية و علاقتك مع زملاء العمل .
عاطفيا : عم يساعك الحبيب و عم يوقف لجانبك و يقدر يمرقلك أكتر من موقف و هاد الشي عم يخليك تتعلق فيه أكتر .
الشهر الرابع و الخامس
بترجع تعزز علاقتك مع الأصدقاء و بتعمل على تصحيح أخطاء الماضي بتقوي علاقتك مع المحيطين و بتكسب منون دعم و طاقة كبيرة بزيد اهتمامك بهي الفترة بأمورك الشخصية و بتهتم بمظهرك و أناقتك و لبسك و بتتسلط الأضواء عليك , عم تقدر تتصرف بالطريقة الصح أثناء تعاملك مع المشاكل يلي بتواجهك و بتلاقي حل لمعظم الأمور العالقة انتبه في النصف الثاني من شهر آيار من ردات الفعل العنيفة يلي ممكن تكون غالبة عليك هي الفترة و العصبية الزائدة , أمورك المالية جيدة و ممكن يدخل لحياتك مولود جديد .
عاطفيا : من أفضل الفترات هادا العام الأشخاص يلي في عندهم علاقة حب ممكن تتوج بالزواج و العزابية ممكن يعمل علاقة جديدة فيها كم كبير من المحبة .و خصوصا في شهر نيسان .
الشهر السادس و السابع
عندك قوة و إرادة كبيرة بتهتم بأمورك الخاصة و بتحاول تبقى مستقل برأيك و قراراتك لكنها فترة فيها كتير من الضغوط يلي بتحاول تتجاوزها و خصوصا بعلاقاتك مع المحبين إلك ممكن تخسر صداقة البعض و حتى ممكن توصل الخلافات مع الأهل , من الجيد انك تضبط ميزانيك قدر الإمكان و تنظم أمورك المالية بشكل جيد و ممكن تبحث عن طرق للكسب المادي أو البحث عن عمل جديد .
عاطفيا : ممكن تاخد بهي الفترة قرار صعب لكن من حيثك هو الأفضل و تبتعد فيه عن الشريك و تفك ارتباطك فيه و خصوصا خلال شهر حزيران لا تكون إنت البادي و حاول تمرق قدر الإمكان .
الشهر الثامن و التاسع
تعود الأمور لمسارها الصحيح و تسعى لتوطيد علاقتك مع الأخوة و الأهل على الخصوص تهتم بأمور الدراسة و التحصيل العلمي , عندك اهتمام ببيع و شراء عقارات و ممتلكات ثمنية سيارة أو منزل عندك فرصة لكسب مالي مناسب بتسد فيه نفقاتك و بتحتفظ بمبلغ لوقت الحاجة , بتتعرف على أشخاص جداد أصحاب نفوذ و سلطة و بتكسب من علاقتك فيون .
عاطفيا : تحسن بأمورك العاطفية و استقرار للأشخاص المرتبطين أما العازبين في تأجيل للإرتباط حتى نهاية العام .
الشهر العاشر و الحادي عشر
بتزيد اهتامامك بهي الفترة بأفراد أسرتك و عائلتك و خصوصا الأب و الأم و بتميل للمتعة و التسلية و ممكن تتطلع برحلة لمكان فيه راحة إلك , الفرصة مهيأة حتى تنتقل لسكن جديد أو تغير مكان عملك , حافظ على أصدقاءك و خصوصا يلي وقفو معك وقت الشدة و ما تخسرون لأمر مالو قيمة .
عاطفيا : عندك شوية أنانية و مزاجية بتعاملك مع الشريك و هاد الشي عم يخلقلك مشاكل انت بغنى عنها , خليك واضح بعلاقتك و حدد ما تريد بدقة من الشريك .
نهاية العام
فترة جيدة عموما بتحصد فيها أرباح كبيرة و بتحصل على نتائج أعمالك السابقة في عندك زخم و طاقة عالية حتى تحقق المزيد من التقدم و النجاح , ممكن تتلقى دعوة من صديق قديم تسافر لمكان بعيد عن مكان إقامتك , عندك فرصة لتوقيع عقد عمل جديد أو تنال ترقية بالعمل , استغل كل فرصة ممكن تجيب فالفرص تمر مر السحاب فاغتنمها .
عاطفيا : الظروف مناسبة حتى تبدأ علاقة حب جديدة للعازبين و ممكن تنتهي بالزواج بعد تفكير و استشارة علاقة فيها تكافئ و انسجام و محبة .
والله اعلم