برج الثور 2020

بـــــ_الثور_ــــرج_2020 مــع الفلكي_ثابت_الحسن
عام التطور المعرفي و النجاح العملي
مع بداية العام عندك طاقة كبيرة و إرادة قوية لتحقيق النجاح و الإبداع بتسعى لتظهر ما عندك من قدرات ذهنية و معرفية و الصبر يلي بتتميز فيه بيمنحك نقاط قوة إضافية لتتميز , بتميل لتعزيز علاقتك مع المحيطين فيك و خصوصا زملاء العمل و بتساعدك الظروف ليسطع نجمك و يلمع اسمك و بتنال الثناء و المديح من رؤساء العمل .
الشهر الثاني و الثالث
حظوظك على الصعيد العملي و المالي جيدة في هذه الفترة و بتحاول تجني المزيد من الأرباح و المكاسب و بتوفر مبلغ من المال حتى تستخدمه وقت الضرورة .
تجنب تدخل هي الفترة بأمور قانونية أو رفع دعاوى أو التدخل بأوراق فيها فصل قضائي , ممكن ينطلب منك تكفل شخص ماليا حاول تتجنب هالشيء إلا لشخص واثق فيه حتى ما تتعرض للخداع .
انتبه من شخص قريب منك بحاول زعزعة ثقة الآخرين فيك و يسببلك مشاكل مع زملاء العمل
عاطفيا : فترة استقرار عاطفي و خصوصا بشهر شباط أما خلال شهر آذار رح يكون عندك تطور عاطفي و ممكن تدخل بعلاقة جديدة و زواج للأشخاص المرتبطين .
الشهر الرابع و الخامس
فترة ممتازة جدا بحالفك الحظ فيها عندك جني للأرباح و بتحصد فيها ثمار جهدك و تعبك بتفكر تدخل بمشروع جديد و بتباشر بوضع خطط عملية لهاد المشروع المربح .
بتسعى للإستقلالية و التفرد بالقرار و هاد الشي ممكن يسببلك مشاكل مع رؤساءك بالعمل حاول تتجنب هالشيء و كون أكتر دبلوماسية بتصرفاتك .
عاطفيا : فترة فيها الأمور ما بتمشي متل ما بدك عندك بعض الضغوط و المشاكل مع الشريك أو الحبيب بسبب بعدك عنه و قلة اهتمامك فيه بالدرجة الأولى حال تعمل توازن بين اهتمامك بالعمل و اهتمامك بالحبيب حتى ما تخسر محبته إلك .
الشهر السادس أو السابع
المطلوب منك هي الفترة إنك تحافظ على هدوءك و تكبح جماح الغضب و الإنفعال يلي ممكن يتملكك سيطر على ردات فعلك و خصوصا بتعاملك مع الآخرين , احذر من كثرة الخلافات مع المحبين و الأصدقاء و الأهل أيضا و ما ترد الكلمة بعشرة .
فترة ضاغطة ماليا ممكن تضطر لدفع مبلغ مالي بشكل مفاجئ كما يحذر هذه الفترة و خصوصا في بداية الشهر السابع من السفر إلا عند الضرورة .
عاطفيا : عندك مشاعر تجاه الحبيب حابب تبوح فيها و تصرح للحبيب بمشاعرك الكبيرة لكن الظروف غير مواتية لكن في النصف الثاني من شهر تموز بتتحسن أمورك العاطفية و بتقدر تحقق إنجاز على هذا الصعيد .
الشهر الثامن و التاسع
في هذه الفترة ترغب بوضع ضوابط و قيود على نفقاتك و ما بتشتري شي إلا عند الضرورة بتعمل توازن بين دخلك و خرجك عندك عدم إستقرار نفسي و في تعب عندك مانك مرتاح و هاد الشي ينعكس على عملك و بتخف مواردك المالية فيك تأجل بعض الأعمال وتقوم بالأشياء الضرورية فقط .
عندك حركة انتقال لسكن جديد خلال هذه الفترة من العام .
في النصف الثاني من شهر آيلول انتبه على وضعك الصحي و احذر أثناء تعاملك مع الأدوات الحادة و أثناء قيادة السيارة .
عاطفيا : حاول ما تسمح للمشاكل تنتقل لعلاقتك مع الشريك إنت بأمس الحاجة حتى يوقف معك و يمدك بالعم و الطاقة الإيجابية و هاد الشي بعزز مكانته عندك و محبتك له .
الشهر العاشر و الحادي عشر
فترة جيدة عموما بتستقر أمورك المالية و العاطفية و بتنجح بتجاوز العقبات و المشاكل يلي ممكن تعترضك و خصوصا بالعمل , بتنكشف الأمور أمامك و خصوصا الأشخاص يلي عم تتعامل معهم و بتميز الصديق من العدو .
بشارة خير للأشخاص يلي ناطرين قدوم مولود جديد .
لازم تنتبه أكتر من أي وقت مضى على أمورك الصحية لأنه عندك بعض المشاكل و ممكن تضطر تعمل فحوصات و ممكن تجري عملية جراحية .
عاطفيا : بتقدر تحظى بمحبة و رعاية الحبيب أو الشريك و خصوصا بشهر تشرين أول لكن في النصف الثاني من شهر تشرين ثاني ممكن تلمس تغير بمواقف الشريك و بتصير ردات فعله أكثر رعونة حاول تستوعبه و تقدر الظرف يلي عم يمر فيه .
نهاية العام
فترة ممتازة بتنفتح الفرص أمامك و بينعرض عليك الدخول في أكثر من مشروع الفرصة مناسبة حتى توقع على عقد عمل جديد أو تدخل بمشروع تجاري رابح , ممكن تحصل على مبلغ مالي من إرث أو بيع عقار بسعر ما كنت متوقعه كما أنك تتلقى دعوة لحضور مناسبة أو احتفال و بتضطر تسافر و بتجني من سفرك مكاسب علمية و عملية .
عاطفيا : بتزداد رغبتك بلقاء الحبيب و قضاء أكبر وقت معه فيك تعبر عن مشاعرك لمن تحب بكل أريحية و تتوطد علاقتك مع الحبيب و تكسب قلبه مودته.
والله اعلم